السلام عليكم ورحمة الله وبركاته
بدون خجل هل تفعلينها..او تفعلها.. لوطلب منك ليلة الدخله؟؟؟!!!!
قصة واقعية حصلت في ليلة الدخله
أول شي أنا وضعت هالقصه
لعرف ماهي ردودكم على مافعله هذا الرجل بعروسه
اليكم القصه ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :
وش يبون داقيين هالحزه
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره طبعاً الديرة تبعد حوالي 300 كم ..الزوج : المهم تعشيتوا .. المتصل : لا والله .. الزوج : كم عددكم ؟.. المتصل : عشرة
الزوج : اقولك (حرام وطلاق عشاكم الليلة عندي) قل تم المتصل : يا ابن الحلال مايصير انت عريس جد و.. المهم مافيه فايده الزوج مصر الا يتعشون عنده الزوج : بالله أنا انتظركم مع السلامة وقفل الخط
الزوجة المسكينة ما هي مصدقه اللي سواه زوجها ليلة الدخلة ثم قال يافلانه أنا رايح السوق وراجع
((على بالها يبي يجيب عشاء جاهز)) بعد ربع ساعة رجع الزوج ومعه أغراض العشاء قالت الزوجه وش ذا
قال قومي سوي العشاء لزملاي في العمل جابين من بعيد ولاتعشوا،،،وفي أثناء الحوار،، وآلا الباب يدق
قال هم ذولا وصلوا بالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر واطلب الطلاق) المسكينة سوت العشاء وتعشوا وراحوا لديرتهم المسكينة متضايقة
والمفاجأة ... ؟؟؟؟؟؟؟؟؟؟
يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك موافقه والا .. لا وأنتي من باب الرهان وتمت ليلتهم على خير وصاروا اسعد زوجين
سؤال الشباب ؟ وش تسوون لو انحطيتو بموقف الزوج ؟؟؟؟؟
سؤال البنات؟ وش تسون لو انحطيتن بموقف الزوجه ؟؟؟؟؟
موضوع: بدون خجل هل تفعلينها..او تفعلها.. لوطلب منك ليلة الدخله؟؟؟!!!! 
السبت ديسمبر 06, 2008 1:25 am
